"Bu gecə paytaxt Bakıda son bir əsrin ən aşağı temperaturu qeydə alınıb". Bu barədə məlumatı Ekologiya və Təbii Sərvətlər Nazirliyinin Hidrometeoroloji Proqnozlar Bürosunun direktoru Umayra Tağıyeva ANS-ə verib. Onun sözlərinə görə, şaxtalı hava şəraiti yaxın 3 gün ərzində də davam edəcək. Minimal tempratur gecə və səhər saatlarında -5-10 dərəcə olacaq. "Yalnız fevralın 6-da gündüz saatlarında temperatur bir qədər yüksələrək, müsbət 2 dərəcəyə çatacaq".

Milli Hidrometeorologiya Departamentindən "Trend"ə verilən məlumata görə, isə fevralın 7-dən yenidən soyuq hava kütləsinin ölkə ərazisinə daxil olacaq. Havanın kəskin pisləşəcəyi, çovğunla müşahidə olunacaq qarlı və şaxtalı hava şəraiti proqnozlaşdırılır.