Meksika körfəzində, Luiziana ştatı sahillərindən 130 kilometr aralıda yerləşən “Mariner Energy” şirkətinə aid neft platformasında partlayış baş verib. APA-nın svobodanews.ru saytına istinadən verdiyi xəbərə görə, başlanan yanğını söndürmək üçün Sahil Mühafizəsinin vertolyotları və təyyarələri cəlb olunub. Neftin körfəzə dağılması barədə xəbər verilmir.

Bildirilir ki, platformada partlayış zamanı işləyən 13 işçinin hamısı evakuasiya olunub. Bir nəfər xəsarət alıb. Xatırladaq ki, aprel ayında Meksika körfəzində digər bir platformada baş vermiş partlayış 11 insanın ölümünə səbəb olmuşdu və böyük ekoloji fəlakətə gətirib çıxarmışdı.