Bakı-Tiflis-Qars dəmir yolu xətti layihəsinin Türkiyə hissəsinin dəyəri ilə icra edilən işlər bir-birinə tərs mütənasib gəlib. ANS PRESS-in "HaberTürk" portalına istinadən verdiyi məlumata görə, layihənin 76 km-lik Türkiyə hissəsi üçün nəzərdə tutulan 290 milyon türk lirəsi tamamilə xərclənib, lakin işin ancaq 30-35 faizi bitib. Bu layihənin tamamlanması üçün qısa vaxt ərzində 700-750 milyon TL-lik tender elan olunacaq.

Qeyd edək ki, Bakı-Tiflis-Qars layihəsi Azərbaycanın paytaxtı Bakıdan başlamalıdır. Gürcüstanın Tiflis və Axalkələk şəhərlərindən keçərək Qarsa qədər davam edəcək layihənin Türkiyə hissəsinin tikintisi Özgün Yapı-Çelikler Yapı şirkəti tərəfindən həyata keçirilir. Türkiyə Nəqliyyat Nazirliyinin nümayəndələri bildiriblər ki, layihədə bəzi dəyişikliklər və əlavə işlər həyata keçiriləcək.