ABŞ Dövlət Departamentinin mətbuat katibi Tehranda nüvə elm mütəxəssisinin avtomobilinə yerləşdirilən bombanın partlaması nəticəsini ölməsini qınadı.

ABŞ Xarici işlər nazirliyi Spikeri Victoria Nuland İranın öldürülən Əhməd Ruşenin öldürülməsindən ABŞ və İsraili məsul tutmasıyla əlaqədar etdiyi şərhdə, günahsız insanlara istiqamətli hər cür hücumu qınadıqlarını ifadə edərkən günahlandırmaları cavablamadı.

İranın prezident köməkçisi Məhəmmad Rza Rəhmi cinayəti "terror hərəkətlərinin dövlət əliylə dəstəklənilməsinin dəlili" olaraq xarakterizə etmişdi. İran daha əvvəlki hücumlar mövzusunda da ABŞ və İsrail kəşfiyyat xidmətlərini günahlandırmışdı. Hər iki ölkə də günahlandırmaları rədd edir.

Rəhmi sui-qəsdin ölkənin nüvə proqramında irəliləməyi dayandırmayacağını bildirdi. Adı Mustafa Əhmədi Ruşen olaraq bildirilən nüvə elm mütəxəssisi professorun Tehran Texniki Universitetinin yanında Natanzdakı uran zənginləşdirmə təsisində çalışdığı bildirilir.

Bəzi qaynaqlar Ruşenin İranın uran zənginləşdirmə fəaliyyətlərinin başlıca mərkəzi olaraq görülən Natanz təsisinin idarəçilərindən olduğunu bildirir. Bu, son iki ildə iranlı nüvə elm mütəxəssislərinin hədəf olduğu dördüncü sui-qəsddir. Fars xəbər agentliyi motosikletli bir təcavüzkarın avtomobilin altına maqnetik bir vəsaitlə yapışan bomba qurğusu yerləşdirdiyini bildirir.

Daha əvvəlki hücumlardan ikisində də, eyni üsuldan istifadə edilmişdi. Ruşenin hədəf alınmasının iç siyasətlə əlaqəsi olub-olmadığı da sorğulanır, müxalif bir siyasətçiylə əlaqələri olduğu bildirilir. Hücum İran və ABŞ arasında gərginliyin artdığı şəraitdə təşkil edildi.

Qərb ölkələri İrana uran zənginləşdirmə fəaliyyətindən imtina etmədiyi üçün yeni sanksiyalar gətirərkən, İran bu addımlara reaksiya olaraq dünyanın ən əhəmiyyətli enerji yollarından biri olan Hörmüz Boğazını bağlamaqla təhdid edir. İran nüvə proqramının dinc məqsədlərə xidmət etdiyini bilrdirir və uran zənginləşdirmə fəaliyyətlərinin məhdudlaşdırılmasını rədd edir.

Qərb ölkələrisə yüksək dərəcədə zənginləşdirilən urandan silah istehsalında istifadə edilə bildiyi üçün İranın bu texnologiyada ustalaşmasından narahatlıq duyur və Tehran rəhbərliyini şəffaf davranmayaraq şübhələri artırmaqla günahlandırır.

Birləşmiş Millətlər Təşkilatı bu həftə İranın Qum şəhəri yaxınlarında olan, çox güclü təhlükəsizlik tədbirləri altındakı Fordo təsislərində də uran zənginləşdirmə əməliyyatlarına başladığını eşitdirmişdi.

Milliyət