Amerika Kino sənəti və Elmlər Akademiyası “Oskar”a namizədləri müəyyənləşdirmək üçün səsvermə siyahılarını öz üzvlərinə yollayıb.

Akademiyanın 5 min 783 üzvü namizədlərin taleyini həll edəcək. Səsvermənin nəticələrini PricewaterhouseCoopers adlı beynəlxalq auditor şirkəti hesablayacaq. Bülletenlər ən geci yanvarın 13-də həmin şirkətə təhvil verilməlidir.

Bütün bölümlər üzrə nominantlar yanvarın 24-də açıqlanacaq. “İlin mərasimi” – kinematoqrafiya sahəsində böyük uğurlara görə verilən qızıl heykəlciklər fevralın 26-da laureatlara təqdim olunacaq.

225 ölkə həmin mərasimdən birbaşa translyasiya təşkil edəcək.